Bir Bayramdır Ramazan’ın on dokuzuncu gün konuğu Prof. Dr. Mahmut Kaplan ile peygamber kıssalarının divan edebiyatına yansımalarına dair sohbet edildi.
Kurra Hafız Fatih Güneş tarafından program başında Yûsuf sûresinden 1-6. ayetler tilavet edildi.
Enler köşesinde İstanbul’dan mühendis Zübeyir Tercan bizlerleydi.
Günün duasında temamız ise Zülkarneyn’di.
Günün hadis-i şerifi…
1 Mayıs 2021 Cumartesi
* * * * * * * * * * *
HZ. ÂDEM (AS)
Âdemüñ nakşını yazduñ bî-devât u bî-kalem
Âlemüñ vasfını düzdüñ bî-edât u bî-misâl
(Ahmedî)
Ecdâdını bir kimse şümâr itse rakîbüñ
İblîse çıkar silsilesi Âdem’e irmez
(Behiştî)
Duyunca makdem-i teşrîfüñ Âdem sulb-i pâkinden
Degişdi habbeye bâg-ı cinânı yâ Resûla’llah
(Kânî)
Minnet mi çeker girmek içün Cennete âdem
Mîrâs kalupdur baña Âdem pederümden
(Kânî)
Bildiğiçün sulb-i pâkinden zuhūrın yâ Resûl
İtmedi lâ takrebâ nehyinden Ȃdem ictinâb
(Taşlıcalı Yahya)
* * * * * * * * * * *
HZ. NÛH (AS)
Sensin bizi muhlis yine gark-âb-ı fenâdan
Ne zevrak u ne Nûh u ne tufân bilürüz biz
(Nâilî-i Kadîm)
Nâhuda eylemese Nuh’u bu keşitye Hudâ
Mevc-i tufana ne yelken dayanurdı ne seren
(İzzet Molla)
Cihân seyl-i fenâ yolında bî-bünyâdmış bildüm
Zemân-ı Nûhdan kalmış harâb-âbâdmış bildüm
(Ȃşık Çelebi)
* * * * * * * * * * *
HZ. İBRÂHİM (AS)
Her İbrahîm izzet ka’besinde
Halilullah yahud Edhem olmaz.
(Necâtî)
Kızarmış terleyip ruhsârın ey meh tâb göstermiş
Halîlâsâ cemâlin âteş içre âb göstermiş
(Rahşânî)
Sensin İbrâhîm’e viren ‘azm ü İsmâ’il’e sabr
Hem viren Ya’kûb’a hüzn ü Yûsuf’a hüsn ü cemâl
(Ahmedî)
* * * * * * * * * * *
HZ. İSMÂİL (AS)
Gerçi İsmail’e kurban gökden inmiş kadr içün
Hak bilür kadr içün İsmail ana kurbân olur
(Fuzûlî)
Kebş-i cânın çün âşıkun ol Halîl
İtdi kurbân misâl-i İsmail
(Vahid Mahtumî)
* * * * * * * * * * *
HZ. LÛT (AS)
Lut kavmi ki idüp cürm ü günâh
Oldu günden güne güm-râh u tebâh
…
Eslemezlerdi nasihat sözünü
Döndürürlerdi Nebîden yüzünü
Hışm idüp anlara nâgâh Hudâ
Elem ü kahr ile gönderdi belâ
(Taşlıcalı Yahya)
* * * * * * * * * * *
HZ. YA’KÛB (AS)
Maksûd kolaylıkla ‘azîzüm ele girmez
Çeşm itdi fedâ Yusuf’a Ya’kûb-ı mahabbet
(İzzet Molla)
O Yûsuf-pirehenler hayf kim pinhân olup dilden
Bu mir’atü’s-safâyı çeşm-i Ya’kûb eylemişlerdir
(Şeyh Gâlib)
Baba nasîhatidir mekr-i hîşden hazer it
İden fütâde-i çeh Yûsuf’u biraderidir
(Seyyid Vehbî)
Yûsuf dahi olsan düşürüler seni çâha
Ebnâ-yı zamânın işi ihvâna cefâdır
(Hâşimî)
Kaçırdı Yûsuf-ı savmı Züleyhâ-yı felek şimdi
Hilâl-iyd sanma elde kaldı tarf-ı dâmânı
(Seyyid Vehbî)
Mısr-ı çerhüñ `izzet ile oldı sultânı güneş
Hüsn ile gûyâ ki oldı Yûsuf-ı sânî güneş
(Mostarlı Ziyaî)
Kumâş-ı hüsn-i Yûsuf nukre-i çeşm-i sefîd ister
Muhassal râygân Ya‘kûba bûy-ı pîrehen düşmez
(Ȃgâh)
Getürdi Yûsuf-ı gülden meger ki müjde yine
Azîz-i Mısr-ı çemen oldı tâc-ver nergis
(Münirî)
* * * * * * * * * * *
HZ. EYYÛB (AS)
Derd ile Eyyûb’u idüp imtihan
Hikmet-i pinhânını kıldı ıyan
(Taşlıcalı Yahya)
Meesîhâ-yı nigehden ders alup dehrin etibbâsı
Bu bîmârın ilacın sabr-ı Eyyûb eylemişlerdür
(Şeyh Gâlib)
Hüzn-ile Ya’kûb u derd-i ışk-ıla Eyyûbdur
Bu dil-i bî-çâre-veş olmaya hergiz derdmend
(Prizrenli Şem’î)
* * * * * * * * * * *
HZ. MÛSÂ (AS)
Döymeyüp subh-ı tecellîde dem-i dîdâra gül
Tûr-ı Mûsâ gibi kendin itdi pâre pâre gül
(Ȃşık Çelebi)
Mûsa-i lutfun yed-i beyzâ ider geh nâmeyi
Gâh kahrunla olur âteş-feşân-ejder kalem
(Ȃşık Çelebi)
Yine Fir’avn-ı şitâ ceyşine Mûsâ-mânend
Eyledi elde ‘asâsını bir ejder sünbül
(Bâkî)
* * * * * * * * * * *
HZ. HIZIR (AS)
Saldı gülşende yine seccâde-i ahdar çemen
Olmağa kâimmakâm-ı Hızr Peygamber çemen
(Emrî)
Mu’anber-hâlüñ ol lacl-i lebüñden
Hızırla çeşme-i hayvâna beñzer
(Ahmedî)
* * * * * * * * * * *
HZ. SÜLEYMAN (AS)
Belâ vü mihnete düşüp Süleymân tâcın urınmah
Ne assı çün yile virür felek taht-ı Süleymânı
(Ahmedî)
Añarlar devlet-i şâh-ı cihânda nâmuñ ey Bâkî
Süleymân yâd olındukça bile mezkûr olur mûrı
…
Hırmen-i câh-ı Süleymân’a olur hâk-efşân
Mûr-ı kemter ki ola nâ’il-i engüşter-i feyz
(Kâtip-zâde Sâkıp)
Dehenün bir söz ile ‘âlemi kul itdi sana
Kıldı dünyâyı Süleymâna musahhar hâtem
(Revânî)
Bize arz-ı cemâl itmez mi Belkıs-ı emel âhir
Fehîmâ hâtem-i bâğ-ı mahabbetde Süleymânız
(Süleyman Fehîm)
* * * * * * * * * * *
HZ. YAHYÂ (AS)
Bir şehid-i dem-hurūşânım ki gūş-ı cânıma
Rūh-ı Yahya’dan gelir âvâz-ı istihsân bana
(Muallim Naci)
* * * * * * * * * * *
HZ. ÎSÂ (AS)
Néce sıhhat bulam şimden gérü ben haste éy yârân
Tabîb-i cân ü dil olan Mesîhâ-demden ayrıldum
(Ahî)
Rûh-bahş oldı Mesîhâ-sıfat enfâs-ı bahâr
Açdılar dîdelerin hâb-ı‘ademden ezhâr
(Bâkî)
Rûh-ı pâk ol yirüñ eflâk ola mânend-i Mesîh
Kalmaga hâk-i mezelletde bu tendür bâ’is
(Bâkî)
Mürdeye cânlar virür bîmâra sıhhat lebleri
Hikmet-i Lokmân u i’câz-ı Mesîhâ bundadur
(Bâkî)
Alâ’ikdan mücerred ol ser-i kûyında mesken bul
Mesîhâveş mekânı âsmândur ehl-i tecrîdüñ
(Bâkî)